Ակումբի առաջին զինանշանը ստեղծվել է հիմնադրելուց երկու տարի անց (1888թվ.): Այն Լոնդոն քաղաքի Վուլվիչ թաղամասի զինանշանի կրկապատկերն է եղել: Զինանշանի վրա պատկերված է եղել երեք թնդանոթ:

1992թվ.-ին ակումբի զինանշանը փոփոխությա է ենթարկվել: Երեք թնդանոթների փոխարեն թողել են միայն մեկը, որն ուղղված է եղել դեպի արևելք: 1925թվ.-ին զինանշանը ենթարկվել է աննշան փոփոխությունների` թնդանոթը ուղղվել է արևմուտք:

Հաջորդ փոփոխությունը եղել է 24 տարի անց, երբ զինանշանի վրա ավելացվել է ակումբի կարգախոսը` «Victoria Concordia Crescit» (թարգ. «Հաղթանակը առաջանում է ներդաշնակությունից»): 53 տարիների ընթացքում փոփոխության են ենթարկվել միայն զինանշանի գույները:

2001/02 մրցաշրջանում զինանշանը փոփոխության է ենթարկվել: Այն ստացել է ավելի ժամանակակից տեսք: Փոխվել են ծուռումուռ եզրային գծերը, թնդանոթը նորից ուղղվել է դեպի արևելք, փոխվել է տառատեսակը ու կանաչ գույնը փոխարինվել է կապույտով: